။။။။။။။။။။။။။။။။။။။။။။။။။
“ပြည်သူတွေကို
ကျွန်မ မေတ္တာရပ်ခံချင်တာကတော့
ကိုယ်စားလှယ်လောင်းတွေကို
ပုဂ္ဂိုလ်ရေးရာအရ မကြည့်ဘဲနဲ့
ပါတီအရပဲ ကြည့်စေချင်ပါတယ်။
ဘာဖြစ်လို့လဲဆိုတော့ ကျွန်မတို့
၂၀၁၅ မှာ ရွေးချယ်ရာမှာ
ပုဂ္ဂိုလ်တွေကို ရွေးချယ်နေတာမဟုတ်ပါဘူး။
စနစ်တခုကို ရွေးချယ်နေတာပါလို့
ကျွန်မအတန်တန် သတိပေးထား ပါတယ်။
ဒီနိုင်ငံမှာ
စနစ်ပြောင်းနိုင်တဲ့အခြေအနေရှိတဲ့ပါတီဟာ
ကျွန်မတို့အမျိုးသားဒီမိုကရေစီအဖွဲ့ချုပ်ပဲ ဖြစ်တယ်ဆိုတာ
ကျွန်မရဲရဲဝံ့ဝံ့ကြီး ပြောနိုင်ပါတယ်။”
(ဒေါ်အောင်ဆန်းစုကြည်)
*********************************
အမေ့စကားနဲ့ ထပ်တူ ဖတ်လိုက်ရတဲ့
ဆောင်းပါးရှင် "မောင်တင်ဦး(မြောင်းမြ)" ၏
"ပြည်သူ့အားနဲ့ ပြောင်းလဲဖို့ တစ်ခဲနက်မဲပေးစို့ "
ဆောင်းပါးမှ အချက်အချို့ကို ကောက်နှုတ်ပါသည်။
"ပြည်သူတွေညီညွတ်မှ"
။။။။။။။။။။။။။။။။။။။။။။။။။။
ဒီကနေ့ပေးရမယ့်မဲဟာ အင်အားအဖြစ်တည်ဆောက်တဲ့
မဲဖြစ်နေတယ်။
စည်းလုံးညီညွတ်မှု (Solidarity) ကိုပြဖို့ မဲပေးတာဖြစ်တယ်။
ပြည်သူဟာ ညီညွတ်တယ်။
ပြည်သူလိုချင်တာ ဒီမိုကရေစီဖြစ်တယ်။
ပြည်သူလိုချင်တာ အပြောင်းအလဲ (Change) ဖြစ်တယ်။
ပြည်သူညီညွတ်ရင် ဘာမဆိုဖြစ်သွားနိုင်တယ်။ ခုလတ်တလော ရေဘေးမှ ပြည်သူတွေရဲ့ညီညွတ်မှုကို
ထင်ထင်ရှားရှားကြီး ပြသလိုက်ပြီ။
ပြည်သူကို ပြည်သူသာ ကူညီနိုင်တယ်ဆိုတာ
သဘောပေါက်လာကြပြီ။
တစ်ယောက်တစ်မျိုးစိတ်ထဲရှိရာ လုပ်ကြလို့ မဖြစ်တဲ့ကာလကို
ရောက်နေပြီ။ မညီညွတ်လို့မရတော့ဘူး။
ဒီတစ်ချီ အပီအပြင် ညီညွတ်ကြရမယ်။
"မျက်စိမှိတ်မဲပေးပါ"
။။။။။။။။။။။။။။။။။။။။။။
အမှန်တကယ်အပြောင်းအလဲ လိုချင်တယ်ဆိုရင်
ပြည်သူတိုင်း၊ ပြည်သူတိုင်းရဲ့ မဲတစ်ပြားစီမှာ
ပြောင်းလဲနိုင်တဲ့ ပါတီကိုသာ တစိုက်မတ်မတ်ကြည့်ပြီး
မဲပေးကြရမယ်။
အခြေအနေအရ မိမိမဲဆန္ဒနယ်မှ ကိုယ်စားလှယ်လောင်းဟာ စိတ်တိုင်းမကျ ဖြစ်နေသည့်တိုင်အောင်
ပြောင်းလဲနိုင်တဲ့ပါတီအမှတ် တံဆိပ်ကိုကြည့်ပြီး
မျက်စိမှိတ်ပေးကြဖို့လိုတယ်။
"ပါတီကိုဘဲရွေးပါ"
။။။။။။။။။။။။။။။။။။။။။
ဒါကြောင့် ယခုလာမယ့်၂၀၁၅ ရွေးကောက်ပွဲမှာ
မိမိမဲဆန္ဒ၊ မိမိရွေးချယ်လိုသောကိုယ်စားလှယ်လောင်းတွေကို
ရွေးချယ်ချင်စိတ်တွေ ခေတ္တချိုးနှိမ်ထားပြီး
အမှန်တကယ်အပြောင်းအလဲ လုပ်ဆောင်နိုင်မည့် ပါတီကိုသာ တညီတညွတ်တည်း ထောက်ခံမဲ ပေးကြဖို့ ဖြစ်တယ်။
နိူင်ငံတော်ကြီးပြောင်းလဲဖို့ မဲပေးတာလို့သဘောမှတ်ယူကြရမယ်။
ဒါကြောင့် ပါတီကိုရွေးမှ
စုစည်းတဲ့အင်အားတစ်ရပ် ဖြစ်ထွန်းလာမှာ။
"ဗဟိုဦးစီးစနစ်ကို ဖျက်သိမ်းနိူင်မယ်"
။။။။။။။။။။။။။။။။။။။။။။။။။။။။။။။။။။။။။။။။။
အပြောင်းအလဲလုပ်နိုင်တဲ့သူ သမ္မတဖြစ်မှ
ဒီမိုကရေစီနိုင်ငံတော် ဖြစ်လာမယ်။
ဒီမိုကရေစီနိုင်ငံတော်ဖြစ်မှ
ခေါက်ရိုးကျိုးအမိန့်ကိုသာနာခံတတ်တဲ့
ဗဟိုဦးစီးစနစ်ကို ဖျက်သိမ်းနိုင်မှာ။
credit to .... Eleven Media Group &
News Watch
No comments:
Post a Comment