"အမေ့ အတွက် လက်ဆောင်"

"အမေ့စကား"
။။။။။။။။။။။။။။။။

“ကျမက အာဏာလိုချင်တယ်။
နိူင်ငံရေးအာဏာရမှ အစိုးရအာဏာရမှ
ကျမတို့လုပ်ချင်တဲ့ ကိစ္စတွေကို
နိူင်ငံအတွက် လုပ်ပေးနိုင်မှာ …”

“အဲ့တော့ ကျမရှင်းရှင်းလင်းလင်းပြောပါရစေ။
ပြည်သူလူထုအတွက် လုပ်နိုင်ဖို့
ကျမ အာဏာကို လိုချင်ပါတယ်လို့ပြောပါရစေ။"

(ဒေါ်အောင်ဆန်းစုကြည်)

*****************************************

"ကျွန်မသမ္မတကြီးဖြစ်ချင်တယ်"
။။။။။။။။။။။။။။။။။။။။။။။။။။။။။။။။။။။

@ ကျွန်မကိုယ် ကျွန်မ ပန်းခင်းကြီးလိုပြင်ထားတယ်။
ကျွန်မကိုယ် ကျွန်မ ထမင်းဝိုင်းကြီးလိုပြင်ထားတယ်။
ကျွန်မကိုယ် ကျွန်မ ခြေသုတ်ပုဆိုး မြွေအစွယ်ကျိုးလိုလည်း
ပြင်ထားတယ်။

@ ကျွန်မကိုယ် ကျွန်မ စာအုပ်စင်ကြီးလိုပြင်ထားတယ်။
ကျွန်မကိုယ် ကျွန်မ ကြယ်တာရာ ညီလာခံကြီးလိုပြင်ထားတယ်။
ကျွန်မကိုယ် ကျွန်မ စက်ဝိုင်းတစ်ခုအလယ်မှာ
ဓါးပေါက်ခံဖို့ရပ်နေတဲ့ မိန်းမတစ်ယောက်လိုလည်း ပြင်ထားတယ်။

@ ကျွန်မကိုယ် ကျွန်မ မြေမြုပ်မိုင်းတွေ
မွှစာကျဲနေတဲ့အရပ်မှာပေါက်နေတဲ့
ရွက်ကျပင်ပေါက်တွေလိုသဘောထားပြီး
ကျွန်မကိုယ် ကျွန်မ နေ့နဲ့ညမှားအိပ်နေရတဲ့
မီးပြတိုက်တစ်ခုလိုလည်းကျင့်ထားတယ်။

@ ရှင်တို့ ရှို့လိုက်တဲ့မီး
ကျွန်မ မြားရဲ့နောက်မြီးအဖျားမှာ
ဟုန်းဟုန်းတောက် လောင်နေပါစေ၊
ကျွန်မရဲ့ ဦးတည်ချက်ပစ်မှတ်ဟာ ဘယ်တော့မှမလွဲ
ဂြိုဟ်တုတစ်စင်းနောက်မှာ ပန်းထွက်ကျန်ရစ်ခဲ့တဲ့မီးစတွေလို
အဲ့ဒါဟာ ကျွန်မကိုပိုပြီးခွန်အားဖြစ်စေခဲ့။

@ ကလေးတွေ စပြီးဖွင့်လိုက်တဲ့ စာမျက်နှာဟာ
ကျွန်မအကြောင်းနဲ့စရမယ်လို့ ရှင်တို့ထင်နေသလား
အချစ် သို့မဟုတ် ကမ္ဘာကြီး သို့မဟုတ်
ရှေ့က ချိုင့်ခွက်ထူ လူသွားလမ်းလေးကို
ကျောင်းဆင်းရင်ပြင်ကြစို့ဒါနဲ့ စမယ်။

@ ကျွန်မကိုယ် ကျွန်မ မာသာထရီဇာလိုပြင်ထားပြီး ဒိုင်ယာနာမင်းသမီးလိုလည်းဆင်ထားတယ်။

@ ကျွန်မတို့အိမ်မှာ ဘာတွေလိုသလဲ
သူတို့ဘာကြောင့် လူတစ်ပိုင်းနတ်တစ်ပိုင်းဖြစ်နေကြသလဲ?
သူတို့ ဘာကြောင့် ယဉ်ကျေးကြသလဲ?
သူတို့ရဲ့ဦးခေါင်းတွေဖွင့်ကြည့်ဖို့
သူတို့ရဲ့ပျော်ရွှင်မှုတွေကိုသုတေသနလုပ်ဖို့။
သေနတ်တွေ ဗုံးတွေ အကြမ်းဖက်မှုတွေကြားထဲကတောင်
သူတို့
ဘာလို့အင်္ဂါဂြိုဟ်သွား လက်မှတ်တွေ အလုအယက်
ဝယ်နေကြတာလဲ?
ကျွန်မ မဟာမိတ်ဖွဲ့ရမယ်
ကျွန်မတို့ အိမ်အတွက် လိုတိုး ပိုလျှော့လုပ်ဖို့်
ကျွန်မလမ်းလျှောက်ထွက်ရမယ်။
စကြာဝဠာထဲကနေ ကမ္ဘာကိုပြန်ကြည့်သလို
ကမ္ဘာထဲကနေ ကျွန်မတို့ မြန်မာကို ပြန်ကြည့်ရအောင်ပေါ့။
ကျွန်မ လမ်းလျှောက်ထွက်ရတယ်။

*** ကျွန်မ ကျောသားရင်သားမခွဲပေမယ့်
အမှန်တရားကိုတော့ ရအောင်ခွဲရမယ်။***

*** ပုလင်းထဲက လာတဲ့ ဥပဒေနဲ့
ပါးစပ်ထဲက အန်ကျလာတဲ့ ပုဒ်မတွေကြားမှာ
ရှင်တို့ကျမတို့
ဘယ်လောက်ညစ်ပေ နံစော် အော်ဂလီဆန်ခဲ့ရပြီဆိုတာ
ကျွန်မကိုယ်တိုင်သိခဲ့ရတာပဲ။ ***

@ ကျွန်မကိုယ် ကျွန်မ သတင်းဆာနေသူ ရှင်တို့အတွက်
သတင်းအမှန်ရဖို့
သတင်းစာအပြင်ဘက်မှာ ရပ်နေပါတယ်။
ကျွန်မ အလုပ်တွေများပါတယ် ...

ကျွန်မမှာ ကာလီမ မယ်တော်လို လက်တွေအများကြီးမရှိသလို
ဒဿ      ဂီရိလို ခေါင်းတွေလည်းအများကြီးမရှိတော့
ရှင်တို့နဲ့ကျွန်မအများကြီး အကြာကြီးမတွေ့နိုင်ဘူးပေါ့။

ရှင်တို့သိပါတယ်၊
ကျွန်မကတစ်ယောက်တည်း
မျက်နှာချင်းဆိုင်မှာလည်း တစ်ယောက်တည်း
ဘေးချင်းယှဉ်လျှောက်နေရတာမှာလည်းတစ်ယောက်တည်း ....
ကျွန်မက တစ်ယောက်တည်းရှင့်

ကျွန်မ ကလေးတွေက မုန့်ဖိုးကောင်းကောင်းလိုချင်တယ်
စမတ်ကျကျနေချင်တယ်
ကျောင်းမှာ ခုံကောင်းကောင်းနဲ့ထိုင်ချင်တယ်
စာတော့မကြိုးစားချင်ကြဘူး။
ကျွန်မက တစ်ယောက်တည်းရှင့်။

@ ကြယ်တွေမရှိတော့လည်း ညက မကြွပြန်ဘူး
ကြယ်တွေမရှိတော့လည်း ညက မလုံခြုံပြန်ဘူး
ကျွန်မကိုယ် ကျွန်မ လမင်းကြီးလိုပြင်ထားတယ်။

ကျွန်မကိုယ် ကျွန်မ ဒီနှစ်တွေမှာ စစ်မဖြစ်ဖို့ပြင်ထားတယ်၊
တစ်ခါသေဘူး ပျဉ်ဖိုးနားလည်ခဲ့ပြီလေ
အခါခါသေဘူးတဲ့လူတစ်ယောက်
ငရဲကိုတော့ နားလည်ရတော့မှာပေါ့။

@ "ကျွန်မ အာဏာလိုချင်တယ်
ရှင်တို့လက်ထဲကို အပ်မလို့။
 အဲ့ဒီ အာဏာနဲ့အချိန်မရွေး
ကျွန်မကိုလည်း ဖြုတ်ချချင် ဖြုတ်ချနိုင်အောင်လို့။"

@ ဒါကြောင့်ကျွန်မ မှော်ဆရာ မဖြစ်ချင်ဘူး၊
သမ္မတကြီးပဲဖြစ်ချင်တယ်။
မှော်ဆရာတွေကိုမွေးပြီး
မှော်ဆန်တဲ့နိုင်ငံကြီးတည်ဆောက်လိုက်ချင်လို့။။

(ခရမ်းပြာထက်လူ)

***********************************************

"အမေ့ အတွက် လက်ဆောင်"
။။။။။။။။။။။။။။။။။။။။။။။။။။။။။။။။။။

အမေ့ရဲ့ နှစ် (၇၀) မြောက် မွေးနေ့မှာ …
“ပြည်သူတွေအတွက် အမေဖြစ်လိုတဲ့
သမ္မတကြီး ဖြစ်ပါစေလို့ ဆုတောင်းရင်း …
ရင်ထဲကမဲတစ်ပြားကို
ပြည်သူကိုချစ်တဲ့ အမေ့အတွက်
မပျက်မကွက် လက်ဆောင်အဖြစ်ပေးဖို့
သံဓိဋ္ဌာန်ချထားပါတယ် အမေ …”

(mhp)

credit to .... news collection &
poemscorner