"လူနာဆောင်အမှတ် ၆"

"လူနာဆောင်အမှတ် ၆"
။။။။။။။။။။။။။။။။။။။။။။။။။။။

"လူနာဆောင်အမှတ် ၆" ဆိုတဲ့ ဘာသာပြန် ၀တ္ထုတစ်ပုဒ် ဖတ်ဖူးတယ်။ ရုရှားပြည် ခေတ်ပျက်ကာလကို နောက်ခံထားပြီး၊
ဆေးရုံတစ်ရုံရဲ့ လူနာဆောင်တစ်ခုထဲမှာ ဇာတ်အိမ်တည်ထားတယ်။

အဲဒီအဆောင်က စိတ်ရောဂါဝေဒနာသည်များကို ထားတဲ့အဆောင်၊
အဆောင်နံပါတ်က အမှတ် ၆ ၊

လူနာဆောင် ဆိုပေမယ့်လည်း လူနာတွေကို လူနာလို မဆက်ဆံဘူး။
ထောင်သားတွေကို ဆက်ဆံတဲ့အတိုင်းပဲ ဆက်ဆံကြတယ်။
လိုအပ်တဲ့ ပြုစုကုသမှုတွေ ဘာဆိုဘာမှ မပေးဘူး။
ဒီကြားထဲမှာ ဆေးရုံက အစောင့်ဆိုတဲ့ လူကြမ်းကြီးက သူ့စကား
နားမထောင်တဲ့သူဆို ဗလအားကိုးနဲ့ ထိုးလားကြိတ်လား လုပ်သေးတယ်။

အဲဒီလို လူနာတွေထဲမှာ ကံမကောင်း အကြောင်းမလှလို့
ဒီနေရာကို ရောက်နေရတဲ့ ပညာတတ် ပုဂ္ဂိုလ်တစ်ယောက် ရှိတယ်။
လောကဓံကို မခံနိုင်၊ စိတ်တွေညစ်လွန်းလို့ လုပ်မိလုပ်ရာတွေ
လျှောက်လုပ်ရာကနေ ရူးနေပြီလို့ အားလုံးက သတ်မှတ်လိုက်ကြပြီး
အဲဒီအဆောင်ထဲ အထည့်ခံလိုက်ရတာ။

ကျန်လူတွေလို ရောဂါသည်စစ်စစ် မဟုတ်တော့ ဒီအဆောင်ရဲ့
မူမမှန်မှုတွေကို အားလုံးအစအဆုံး သိနေမြင်နေ စိတ်ပျက်နေတော့တာပေါ့။
ဒါပေမဲ့ ဘယ်လိုမှ လွန်ဆန်လို့မရတော့လည်း
ဒီအတိုင်းပဲ အရှုံးပေးနေရတယ်။

တစ်နေ့တော့ ...
အဲဒီဆေးရုံကို စာပေ၀ါသနာပါတဲ့ တာဝန်ခံဆရာဝန်တစ်ယောက်
ပြောင်းလာတယ်။

တစ်ရက်
အဲဒီအဆောင် ၆ ထဲကို အကြောင်းကိစ္စတစ်ခုနဲ့ မထင်မှတ်ဘဲ
သူရောက်သွားတယ်။

အဲဒီမှာတင် ခုနက ပညာတတ်လူနာနှင့်တွေ့ပြီး စာပေအကြောင်းတွေ
ဆွေးနွေးဖြစ်ကြတော့တယ်။ လူနာက သူတို့တွေကို ဘာပြုစုကုသမှုမှ
မပေးဘဲ ၀င်ပြီးရင် ပြန်ထွက်မရတော့တဲ့ နေရာတစ်ခုလို ဒီလူနာဆောင်က ဖြစ်နေတာကို ဝေဖန်တယ်။

အဲဒီအခါ ဆရာဝန်က ပြန်ချေပတယ်။
"ဒိုင်အိုဂျီးနိစ်"က ရေစည်ထဲမှာ ၀င်နေပေမယ့် အဲဒီလို နေနေတဲ့ သူဟာ ရှင်ဘုရင်ထက်တောင်မှ စိတ်ချမ်းသာရသေးတယ်။
ဒါ့ကြောင့် အဓိကက ဘယ်နေရာမှာ ဘယ်လိုနေရတယ်ဆိုတာ မဟုတ်ဘူး။
မိမိစိတ်ကသာ အရေးကြီးဆုံးပဲဆိုပြီး သူ့အမြင်ကို ပြန်ပြောတယ်။

အဲဒီလို အမြင်မတူမှုတွေ ရှိနေပေမယ့်လည်း
ဆရာဝန်ဟာ အဲဒီလူနာကို အထင်ကြီးသွားတာတော့ အမှန်ပဲ။
နောက်နေ့တွေမှာလည်း မကြာမကြာဆိုသလို သွားသွားပြီး ဆွေးနွေးဖြစ်တယ်။

အဲဒီလို ဘယ်ဆရာဝန်ကမှ အရေးတယူ သွားမကြည့်ခဲ့ဖူးတဲ့၊
ဆရာဝန်အရောက် အပေါက်နည်းလှတဲ့ အဆောင် ၆ ကို
ဒီဆရာဝန်က နေ့စဉ်ရက်ဆက် သွားနေတဲ့အခါကျတော့
ဆေးရုံဝန်ထမ်းတွေက မသင်္ကာဖြစ်လာတယ်။

အဲဒါနဲ့ပဲ ဆေးရုံမှာရှိတဲ့ အခြားဆရာဝန်တစ်ယောက်နဲ့ တိုင်ပင်ပြီး
အဲဒီဆရာဝန်ကို စိတ်ရောဂါရှိနေတယ်လို့ သတ်မှတ်လိုက်ကာ
"လူနာဆောင်အမှတ် ၆" ထဲကို လူနာအဖြစ် အပြီးအပိုင်
ပို့လိုက်ကြပါတော့တယ်။

အရာရာ ပြည့်စုံနေတုန်းက "ဒိုင်အိုဂျီးနိစ်" အကြောင်း
အားပါးတရ ဆွေးနွေးခဲ့တဲ့၊
ဘယ်လိုပဲဖြစ်ဖြစ် မိမိစိတ်ကသာ အဓိကလို့ ငြင်းခဲ့၊ ခံယူခဲ့တဲ့
ဆရာဝန်ဟာ ...
"လူနာဆောင် အမှတ် ၆" ရဲ့ မတရားနှိပ်စက်မှုတွေ၊
ဆင်းရဲဒုက္ခတွေကို ကိုယ်တိုင်လက်တွေ့ကြုံရတဲ့ အခါလည်းကျရော
ဘယ်လိုမှ ခံနိုင်စွမ်းမရှိတော့ဘဲ
စိတ်ဓာတ်တွေ အကြီးအကျယ်ကျပြီး ရက်ပိုင်းအတွင်းမှာပဲ
သေပွဲဝင်ခဲ့ရပါတယ်။

****
ဒီဝတ္ထုထဲက ဆရာဝန်ဟာ မတရားမှုကြီး ရှိနေတာကို သိပေမယ့်
ကိုယ့်ကိုမထိသေးတော့ အကြောင်းတွေလျှောက်ပြပြီး ရှောင်လွှဲနေတယ်။
နောက်ဆုံး သူမသိချင်ယောင် ဆောင်ခဲ့တဲ့ မတရားမှုကြီးက
သူ့ကို ပြန်ဒုက္ခပေးသွားတယ်။

ကျွန်တော်တို့လည်း ဒီအတိုင်းပဲ၊
အာဏာရှင်စနစ်ကြီး မကောင်းတာ သိတယ်။
ဒါပေမဲ့ ... ကိုယ့်ကိုတိုက်ရိုက်လာ မထိသေးတော့
ခပ်အေးအေးနေခဲ့ကြတယ်။
အဲဒီလိုနဲ့ ....................... ။

(ဒေါက်တာ ဖြိုးသီဟ)

ဆောင်းပါးရှင် "ဒေါက်တာ ဖြိုးသီဟ" ၏
"နိုင်ငံသားအားလုံးရဲ့  အရေး "  ဆောင်းပါးမှ

credit to ...  Eleven Media Group