‘‘အဖေ့ နေရာ’’

‘‘အဖေ့ နေရာ’’
။။။။။။။။။။။။။။။။။

@ မေတ္တာကန့်လန့်ကာ နောက်ကွယ်က
အဖေ။
သားသမီးတွေ ကကြိုးဆင်၊ အလှ တိုးစေချင်တဲ့
အဖေ။
ရုန်းကန်လှုပ်ရှား အပြင်မှာ အနေများတဲ့
အဖေ။
အိမ်ပြန်မိုးချုပ် အစဉ်သာ အလုပ်ရှုပ်တဲ့
အဖေ။

@ စီးပွားအသပြာတိုးစေဖို့
သားသမီးတွေ မနိုးခင်
ဘုရားပင် မရှိခိုးနိုင်ဘူး ...
အရုဏ်ကို အဖော်လုပ်
အားထုတ်တဲ့ အဖေ။

@ ဂုဏ်တော်ကိုးပါး ဦးထိပ်ထားလို့
သွားရင်း ရွတ်ဖတ်

"အရဟံ-သမ္မာ-သမ္ဗုဒ္ဓေါ
ဝိဇ္ဇာစရဏ သမ္ပန္တော-သုဂတော"

ဟော...အကြီးကောင် ဖိနပ်ဖိုး၊
တိုးလာတဲ့ ဈေးနှုန်း
ဖြုန်းတတ်တဲ့ အလတ်မ၊
လှချင်တဲ့ အငယ်ကောင်
ယောင်တောင်တောင် အထွေးဆုံး
အတွေးလုံးတွေ ဝင်ဆောင့်

အောင့်သွားတဲ့ ရင်အစုံကြောင့်
ကိုးပါးဂုဏ်တော် တစ်ခါမှ မပြည့်စုံဘူး ...

တစ်ခါတလေ
သုဂတောမှာ ဆုံးလို့ဆုံး ...

ရှုံးမဲ့ကုန်အရေးတွေးကာပူ
လောကဝိဒူမှာ ရပ်လို့ရပ် ...

သတ္တာဒေဝ-မနုဿာ     နံ-
ရှေ့ဆက်ရန် အစပျောက် ...

ဘဂဝါထိ မရောက်နိုင်တဲ့
အဖေ ..... ။

@ စီးပွားရေးသဘော၊
လိမ်ပြောညာပြော

ဟုတ်တာလည်းပြော၊
မဟုတ်တာလည်းပြော

ရိတာလည်း ရှိ၊
ငြိတာလည်း ရှိ

မူးတာလည်းပါ၊
မြူးတာလည်းပါ

ပါဏာတိအစ၊ သူရာမေအဆုံး
လုံးလုံးသီလမရှိတဲ့ အဖေ

ညစာကိုအောင့် ဇရပ်ထောင့်မှာ
ဥပုသ်မစောင့်ဘူးတဲ့
အဖေ ..... ။

@ မိသားစုအရေး ကုသိုလ်ဝေးပြီး
အလုပ်မှာ နစ်မျော
ဇောခုနစ်တန် အဖန်ဖန်ပတ်ရစ် ...

လူ့ဘုံနွံညစ်မှာ
ကိုယ်နစ်တော့ ... ခြေကန်
ခြေမဟန်တော့ ... လက်ယက်
လက်ပျက်တော့ ... ခေါင်းကူ

မငြူမစူ စိတ်မဆိုး
တာဝန်တွေ ကုန်းပိုးပြီး
ဟိုးကမ်းခြေကပ်တဲ့အထိ
ကူးခပ်တဲ့ ...
အဖေ ... ။

@ ဟော ... အတောင်အတက် ...
အဆောင်အခတ်ရယ် စုံလင်ပါ တော့

တဒင်္ဂအမြင် အတွေးအထင်တွေနဲ့
သားသမီးတွေကို မကြင်နာ

အပြင်မှာ ခင်စရာရှာတဲ့ အဖေတဲ့ ...

မိဘဂုဏ်အင် ဝတ်ငါးအင်
မစုံလင်တဲ့ အဖေတဲ့လေ ... ။

@ သားသမီးအရေးကြောင့်
ကုသိုလ် ဝေးရတဲ့အထဲ ...
ပဉ္စနန္ဒြိယ ကံမိုက် သားသမီးတွေ ထိုက်မှာစိုးလို့

ငါးပါးသီလဂုဏ် မပြည့်စုံလည်း

"ကုသိုလ်ပွားများ(ရင်)
အပါယ်မလားပါဘူးကွယ် ...
မိဘပြစ်မှား ပြောဆိုငြားလည်း
မိဘခွင့်လွှတ်(ရင်)
အပြစ်လွတ်ပါတယ်ကွယ်။"

အမြဲမှားခဲ့တဲ့ အဖြေ
တလွဲထားခဲ့ အမွေ

သြော်...ငရဲလားမယ့် ...
အဖေ ......... ။

(ဒါရိုက်တာ စိုးသိမ်းထွဋ်)

****************************

--------------
ရွှေသီးရေ...မင်းတော့ ဘယ်လိုနေလဲမသိဘူး။
ငါတော့ ဒီကဗျာကို ဖတ်နေရင်း ငါ့အဖေကို ပြန်ပြီး မြင်လာတယ်။

စိတ်ထားဖြူရင် ကုသိုလ်ရပါတယ်ကွာဆိုပြီး
အခါ ကြီးရက်ကြီးတောင် အလုပ်မနား နိုင်ဘဲ
သွားရတဲ့ အဖေ။

မိသားစု အတွက် စီးပွားရှာရင်း ရိုးသားမှု ကနေ
ခဏခဏခွာရတဲ့ အဖေ ပေါ့။

အဲဒီရလာတဲ့ ငွေကြေးက သူတစ်ယောက်တည်း သုံးစွဲဖို့ မဟုတ်ဘူး။ သူ့အိမ်အပြန်လာကို စောင့်နေကြတဲ့
မိသားစုအတွက်ပဲလေ .................. ။

(မောင်နံ့သာ)

ဆောင်းပါးရှင် "မောင်နံ့သာ" ၏
"ငရဲလားမယ့် အဖေ"  ဆောင်းပါးမှ ...

credit to ...  7daydaily