"ဗိုလ်ချုပ် ပြောတဲ့ နိုင်ငံရေး"
။။။။။။။။။။။။။။။။။။။။။။။။။။။။။။။။။
ကျွန်ုပ်တို့နိုင်ငံတွင် ယခုအချိန်အခါ၌ ခေတ်ပြောင်းခေတ်လွဲ
ရှိကြောင်း အငြင်းမထွက်ဘဲလျက် သဲသဲမဲမဲ ရှေးကအတွေး
အဆ ရှိသူများ ရှိကြပေသေး၏။ အချို့ သောသူများသည်
ယခုထက်ထိပင် ယုတ်မာ ညစ်ထေး ရှေးကနိုင်ငံရေးမျိုးကို
သိလျက်နှင့်ဖြစ်စေ၊ မသိဘဲလျက်နှင့်ဖြစ်စေ၊ လိုက်စားလျက်
ရှိကြသေး၏။
*** နိုင်ငံရေးမည်သည် ယုတ်မာ ညစ်ထေးသည်ဟု ဆိုရမည်
လော။ စင်စစ်မှာ နိုင်ငံရေးသည် ယုတ်မာညစ်ထေး သည်
မဟုတ်။ နိုင်ငံရေးကို ညစ်ထေးအောင် လုပ်သူတို့သာလျှင်
ယုတ်မာခြင်းသာ ဖြစ်ပေ၏။ ***
နိုင်ငံရေး ဆိုတာ ဘာလဲ ဟု မေးဘွယ်ရာ ရှိပြန်၏။
@ ကျွန်ုပ်တို့သည် သာမန်ပုထုဇဉ်များဖြစ်သောကြောင့် နိုင်ငံရေးကို
မလုပ်သင့်၊ နိုင်ငံရေးသည် အလွန်မြင့်မြတ်သည့်အတွက် ကျွန်ုပ်တို့နှင့်မတန်မရာ၊ လေးမြတ်စွာ မျှော် ရှုရန်သာလျှင်
ရှိသည်ဟူ၍ ဆိုရမည်လော။
@ သို့တည်းမဟုတ် နိုင်ငံရေးဆိုသည်မှာ အချို့ သော လူညာလူလိမ်
တို့က တောအုံကနား ကျေးတောသား လူရိုးလူအတို့ကို အတိတ်၊
တပေါင်၊ စနည်း၊ ဘဝေါတို့ကို တွင်တွင်ကြီး ဟော ပြော၍
ထိုသူတို့၏ မနောအကြိုက်ကို လိုက်၍ အငိုက်ကို ဖမ်းပြီးနောက်
စားပေါက်ထွင်ကြသည့် ကိစ္စဟု ဆိုရမည် လော။
@ သို့တည်းမဟုတ်၊ နိုင်ငံရေးသည် ကန္တာရ ခရီးပမာ ကြောက်မက်
ဖွယ်သော အန္တရာယ်များစွာ ရှိသောအ ရေးကိစ္စ ဖြစ်သောကြောင့်
ကျွန်ုပ်တို့သည် တတ်သာလျှင် ရှောင်ရှားသင့်သည်ဟု ဆိုရမည်လော။
@ သို့တည်းမဟုတ်၊ နိုင်ငံရေးသည် ကျွန်ုပ်တို့ပြောလေ့ပြောထ
ရှိသည့်အတိုင်း၊ အမျိုး - ဘာသာ - သာသနာရေးဟူ၍ပင်
ဆိုရဦးမည်လော။
နိုင်ငံရေးသဘောအမှန်မှာ -
ကျွန်ုပ်တို့ လူသားတို့နှင့် မတန်မရာ မြင့်မြတ်လွန်းသည်လည်းမဟုတ်၊
နိမ့်ကျလွန်း သည်မဟုတ်၊ မျက်လှည့်ဗေဒင်လည်းမဟုတ်၊ အဂ္ဂိရပ် လည်းမဟုတ်၊ ကြောက်မက်ဖွယ်ကောင်းသော ကန္တာရ ခရီးလည်း
မဟုတ်၊ ဘယ်သူသေသေ ငတေမာပြီးရော စိတ်ဇောနှင့် လုပ်သော
အရေးကိစ္စလည်းမဟုတ်၊
ကျွန်ုပ် တို့၏ ပတ်ဝန်းကျင်၌ ပေါ်ပေါက်ဖြစ်ပွားလျက်ရှိသော
အခြေပေါ်တွင် မျှော်ခေါ်၍ ဆောင်ရွက်ရမည်ဖြစ်သော အ ရေးကိစ္စ
သာလျှင် ဖြစ်ပေ၏။အတိုချုပ်ဆိုရလျှင် .....
*** နိုင်ငံရေးဆိုသည်မှာ ကျွန်ုပ်တို့ နေ့စဉ်နှင့်အမျှ လူ့လောကတွင်
တွေ့ကြုံနေကြရသော ကိစ္စပင်ဖြစ်ပေသည်။
တနည်းအားဖြင့်ဆိုသော် နိုင်ငံရေး ဆိုသည်မှာ လူ့ကိစ္စဟုဆိုရပေ
မည်။ ကျွန်ုပ်တို့ စားမှု၊ သောက်မှု၊ နေမှု၊ ထိုင်မှု၊ သွားမှု၊ လာမှု
အစုစုသည် နိုင်ငံရေးပင်ဖြစ်၏။ ***
ကျွန်ုပ်တို့သည် နိုင် ငံရေးကို မဆင်မခြင် မတွေးတောမိစေကာမူ
နိုင်ငံရေးသည် ကျွနု်ပ်တို့၏ အိမ်၊ ရုံး၊ အလုပ်ရုံ စသည်တို့၌
ပေါ် ပေါက်လျက်ရှိ၏။ ဤဌာနများ၌ ကျွန်ုပ်တို့သည် နေ့စဉ်နှင့်အမျှ
နိုင်ငံရေးကိုပင် လုပ်နေကြရပေသည်။ အလုပ်သ မားသည်
အခကြေးငွေအတွက် အလုပ်လုပ်ရ၏။ တောင်သူလယ်သမား
သည် ၀မ်းစာအတွက် လယ်ယာလုပ်ရ၏။ စားရေးစာချီ အမှုထမ်း
သည်လည်း လစာငွေအတွက် အလုပ်လုပ်ရ၏။ ကုန်သည်၊ ပွဲစား
စသည်တို့သည် အသီး သီး ၀င်ငွေရရန် လုပ်ကြရ၏။ အချုပ်မှာ စားသောက်နေထိုင်ရေးအတွက်ပင်ဖြစ်၏။ အလုပ်သမားသည်
အခကြေး ငွေကို တိုးတက်၍ ရပြီးလျှင်စားသာသောက် သာသောအခြေအနေကိုရလို၏။ တောင်သူ လယ်သမားသည်
မိမိ၏ လယ်မြေကို တိုးတက်ကောင်းမွန်စေ၍ သက်သာချောင်ချိ
လို၏။ စားရေး စာချီ အမှုထမ်းတို့သည်လည်း ရုံး၌ တ ကုတ်ကုတ်
လုပ်နေရသော ဘ၀ထက် လွတ်လွတ်လပ်လပ် ချောင်ချောင်
လည်လည် ရှိသောအခြေအနေသို့ ရောက်လိုကြ၏။ ကုန်သည်
ပွဲစားတို့လည်း လွယ်လွယ်ကူကူတိုးချဲ့ ကူးသန်းရောင်းဝယ်
လိုကြ၏။ ***ဤကဲ့သို့ လူတိုင်း လူတိုင်း မိမိတို့၏အခွင့်အရေးကို ရယူလိုခြင်းသည် နိုင်ငံရေးပင်ဖြစ်၏။ ***
ကျွနုုပ်တို့နေ့စဉ်နှင့်အမျှ ကြုံတွေ့နေရသော နေထိုင်စားသောက်မှု
သည် ပြောင်းလဲလျက် ရှိသည့်အား လျော်စွာ ကျွန်ုပ်တို့ နိုင်ငံရေးသည်လည်း ပြောင်းလဲလျက်ရှိ၏။ ကျွန်ုပ်တို့
အားလုံး သက်သက်သာသာ ချောင်ချောင် ချိချိ လူတန်းစေ့အောင်
နေနိုင်ရန်အတွက် အခွင့်အရေးများပိုမိုရရှိနိုင်အောင် ကျွန်ုပ်တို့သည်
လွတ်လပ်ရေး ကို တောင့်တကြပေသည်။
လွတ်လပ်ရေးဆိုရာ၌ နေရေးထိုင်ရေး လွတ်လပ်မှု၊
လူတဦးတယောက် အနေနှင့်၎င်း ၊ တစ်မျိုးလုံးအနေနှင့်၎င်း
တိုးတက်ရေးကြီးပွားရေး စီမံဆောင်ရွက်နိုင်အောင် လွတ်လပ်မှု၊
ကျွန်ုပ်တို့၏ ကာယ၊ ဥာဏ၊ စိတ္တ အဆင့်အတန်း တိုးမြှင့်အောင်
ဆောင်ရွက်နိုင်ရန် လွတ်လပ်မှုတို့ စသည်တို့ကို ဆိုလိုပေ သည်။
ဤလွတ်လပ်မှု ရယူလိုမှုသည်ပင်လျှင် နိုင်ငံရေးဖြစ်၏။ သို့ဖြစ်
ရကား နိုင်ငံရေးသည် လူမှု လူရေးမျှသာ ဖြစ်၏။
နိုင်ငံရေးကို ကျွန်ုပ်တို့ နားမလည်စရာအကြောင်း မရှိချေ။
သို့ပါလျက်နှင့် အချို့ သော သူများသည် နိုင်ငံ ရေးသည် ကိုးကွယ်ရာ ဘာသာတရားပင် ဖြစ်သကဲ့သို့ ဆိုကြပြန်၏။ ထိုသူတို့၏ အယူအဆ
တို့မှာ အလွဲလွဲ အမှားမှား ကွဲကွဲပြားပြား ရှိကြပေ၏။
*** “နိုင်ငံရေးကို ဘာသာတရား ဖြစ်သကဲ့သို့ပြောဆိုကြသော
သူများမှာ ယုတ်မာညစ်ထေးသော နိုင်ငံရေးသမားများ
ပင်လျှင် ဖြစ်ပေ၏။ ထိုသူတို့၏ ရည်ရွယ်ချက်မှာ
ဤကဲ့သို့ ကြီးကြီးကျယ်ကျယ် လည်ဆယ်၍ ပြောခြင်းအားဖြင့်
ပြည်သူတို့၏ စိတ်ကိုရှုတ်ထွေးစေ၍ အကြောင်းအကျိုး
အကောင်းအဆိုးကို ဝေဖန်ခြင်းငှာ မစွမ်းနိုင်အောင်
လုပ်ခြင်းမျှသာ ဖြစ်ပေ၏ ….
အမှန်မှာ ထိုသူတို့ ပြုလုပ်မှုသည် နိုင်ငံရေးမဟုတ် ….
မိမိတို့အကောက်ဥာဏ်ကို သုံး၍ မိမိတို့ကြီးပွားရေး
တနပ်စား နိုင်ငံရေးပင် ဖြစ်ပေ၏။” ***
(ဗိုလ်ချုပ်အောင်ဆန်း)
၁၉၄၆ ခု ဇန်န၀ါရီလ ၂၀
အလယ်ပစ္စယံ ညီလာခံ မိန့်ခွန်းမှ .....
credit to ..... တို့ဗမာအစည်းအရုံး
No comments:
Post a Comment